واشنگٹن (اے پی پی) آسٹریا کے نامور ٹینس سٹار جرگن ملزر نے وینسٹن اوپن ٹینس ٹورنامنٹ مینز سنگلز ٹائٹل جیت لیا۔ فائنل میں فرانسیسی کھلاڑی گیل مونفلس کو شکست دی۔ ایونٹ میں کھیلے گئے فائنل میں آسٹرین کھلاڑی جرگن ملزر نے انتہائی شاندار کھیل پیش کرتے ہوئے حریف فرانسیسی کھلاڑی گیل مونفلس کو پہلے سیٹ میں 6-3 سے زیر کیا، دوسرے سیٹ میں بھی جرگن کو مونفلس کے خلاف 2-1 کی برتری حاصل تھی کہ مونفلس فٹنس مسائل کے باعث مقابلے سے دستبردار ہوگئے اور جرگن ملزر نے فائنل بآسانی جیت لیا۔