لاہور (خصوصی رپورٹر) معروف شاعر، ادیب، تجزی کار، کالم نگار اور روزنامہ نوائے وقت کے ڈپٹی ایڈیٹر سعید آسی کی 59 ویں سالگرہ ان کے دفتر میں منائی گئی۔ سالگرہ کا اہتمام شاعر، ادیب اور نوائے وقت کے کالم نگار تنویر ظہور نے کیا۔ سالگرہ کی اس تقریب میں دی نیشن کے ایڈیٹر سلیم بخاری، چیف رپورٹر نوائے وقت فرخ سعید خواجہ، فضل حسین اعوان، حافظ امتیاز احمد، محسن گورایا و دیگر نے شرکت کی۔ اقبال راہی نے سعید آسی کو منظوم خراج تحسین پیش کیا۔
انسٹھویں (59) آج سالگرہ ہے سعید کی
آسی کے دل میں ایک خوشی سی ہے عید کی
اعزاز ان کے واسطے سب سے بڑا ہے یہ
حاصل ہے سرپرستی جناب مجید کی