سابق قومی کرکٹرمحمد یوسف آج 40ویں سالگرہ منائیں گے

 لاہور(اے این این )قومی کرکٹ ٹیم کے سابق بلے باز محمد یوسف آج بدھ کو اپنی40 ویں سالگرہ منائیں گے ۔ محمد یوسف27  اگست 1974  کو لاہور میں پیدا ہوئے ۔ انہوںنے کہاکہ قومی کرکٹ ٹیم کی نمائندگی کے ساتھ ساتھ ایشیا الیون، پہاولپور، لاہور، لاہور بادشاہ، پاکستان انٹرنیشنل ایئر لائنز، واپڈا،زرعی ترقیاتی بینک ، لنکا شائر اور واکشائر کی ٹیموں کی نمائندگی کی ہے ۔ محمد یوسف نے پاکستان کی جانب سے 90 ٹیسٹ،288  ایک روزہ اور 3ٹوئنٹی 20 میچز کھیلے ہیں ۔ ٹیسٹ کرکٹ میں انہوںنے 7530 ، ایک روزہ کرکٹ میں 9720  اور ٹوئنٹی 20 کرکٹ میں 50 رنز سکور کئے ہیں ۔ محمد یوسف نے 2005 میں اسلام قبول کیا ۔