لاہور (خبرنگار) پیپلزپارٹی کے چیئرمین بلاول بھٹو زرداری نے نوجوان کارکنوں کو متحرک کرنے کی ہدایت کرتے ہوئے کہا ہے کہ ملک کا مستقبل نوجوانوں سے وابستہ ہے۔ اسلام آباد میں پارٹی رہنمائوں کے اجلاس سے خطاب کرتے ہوئے انہوں نے کہا کہ پارٹی میں نوجوان کارکنوں کو متحرک کیا جائے نوجوان قیادت پر مشتمل سیاسی جماعتوں کی مثالیں کم ہی ملتی ہیں۔ پیپلزپارٹی نے فاٹا میں پولیٹیکل ایکٹ متعارف کرایا۔ بلاول بھٹو زرداری نے اسلام آباد میں پیپلزپارٹی کیلئے سوشل میڈیا پر کام کرنے والے گروپ سے ملاقات کی۔ اس موقع پر پیپلزپارٹی لاہور کے میڈیا کوآرڈینیٹر شہزاد شفیع نے تجویز پیش کی کہ سوشل میڈیا کے تمام معاملات بلاول ہائوس کراچی سے کنٹرول کیے جائیں۔ انہوں نے پیپلزپارٹی کی تنظیموں کے ہر سطح پر سوشل میڈیا کے عہدیدار نامزد کرنے کی تجویز بھی پیش کی۔