کراچی (نوائے وقت رپورٹ) چیئرمین تحریک انصاف عمران خان کی ہدایت پر عارف علوی نے مسلم لیگ ن کے رہنما ممتاز بھٹو سے ملاقات کی۔ ملاقات کے دوران ممتاز بھٹو سے عمران خان نے ٹیلی فونک رابطہ کیا اور ممتاز بھٹو کو تحریک انصاف میں شمولیت کی دعوت دی۔ دونوں رہنمائوں کا جلد ملاقات کرنے پر اتفاق ہوا۔ عمران نے کہا کہ مسلم لیگ ن کی 3 وکٹیں گرا چکا ہوں، آپ کو پی ٹی آئی میں شامل کرکے فائنل میچ جیتنا چاہتا ہوں۔ ممتاز بھٹو نے کہا کہ ساتھیوں سے مشورے کے بعد جواب دوں گا۔