ایشین گیمز مینزوالی بال: پاکستان کو کوریا کے ہاتھوں 3-0سے شکست

لاہور(سپورٹس رپورٹر) جکارتہ میں جاری ایشین گیمز کے مینز والی بال ایونٹ میںپاکستان اور کوریا کی ٹیموں کے درمیان کھیلے گئے میچ میں کوریا کی ٹیم نے ٹیم پاکستان کو ایک دلچسپ مقابلے کے بعدتین صفر سے شکست دے دی،77منٹ تک تین سیٹس میں کھیلے جانے والے اس میچ میں کوریا کے ہاتھوں پاکستان کی شکست کا سکور 25-17, 25-22,25-19 رہا۔ دیگر میچز میں سرلنکا نے مالدیپ کوتین ایک سے اورویتنام نے ہانگ کانگ کوتین ایک سے شکست دے دی۔پاکستان اس ایونٹ میں اس سے قبل اپنے پہلے میچ میں منگولیا کے خلافتین صفر سے کامیابی حاصل کی تھی جبکہ ایران کے ہاتھوں اسے ایران تین صفر سے شکست کا سامنا کرنا پڑا تھا۔ والی بال میں پاکستان اپنا اگلا میچ 28اگست کو کھیلے گا۔