اسلام آباد (سٹاف رپورٹر) انٹر نیشنل ائیر شو کے افتتاحی روز پاک فضائیہ کے JF-17 تھنڈر طیارے کے شاندا ر فضائی کرتب دیکھ کر شائقین دم بخود رہ گئے۔ قومی پرچم کے رنگوں سے مزین فخرپاکستانJF-17 تھنڈر نے پولینڈکی فضاﺅں میں اپنے شاندار فضائی مظاہرے کو وہاں موجود شائقین نے دل کھول کر داد دی۔ ونگ کمانڈر ذیشان بریار نے مظاہرے کے دوران ناقابلِ یقین فضائی کرتب دکھائے جن میں مسل کلائمب، تھنڈر ٹرن، انورٹڈ فلائٹ اور انتہائی کم رفتار کے کرتب شامل ہیں۔ پاکستان اور چین کے مشترکہ تعاون سے تیار ہونے والے JF-17 تھنڈر طیارے کے شاندار مظاہرے کے دوران ائےر مارشل ارشد ملک، وائس چیف آف دی ائےر سٹاف بھی موقع پر موجود تھے۔ انہوں نے وہاں موجود پاک فضائیہ کے زمینی اور فضائی عملے سے ملاقات کی اور اس شو میں انکی شاندار کارکردگی کو سراہا۔ انہوں نے کہا کہ پاک فضائیہ کی اس شو میں شمولیت دنیا میں پاکستان کے مثبت تاثر کو اجاگر کرنے کی سمت اےک اہم قدم ہے۔ فضائی مظاہرے کے علاوہ زمین پر موجود تمام ہتھیاروں سے لیس JF-17 اور سپر مشاق طیارے شائقین کے لیے مرکز نگاہ بنے رہے۔
تھنڈر کرتب