لاہور (پ ر) چین کے شہر دالیان میں ہونے والی چائینیز کزین ورلڈ چیمپئن شپ 2019میں پاکستان کی جانب سے کوتھم کے 4طلبہ اور ایک قومی کلنری ٹیم کے ممبر پر مشتمل 5ممبران کی ٹیم نے کانسی کا تمغہ جیتا۔کوتھم پاکستان اینڈ دبئی اور شیفس ایسوسی ایشن پاکستان نے چائینیز کزین ورلڈ چیمپئن شپ 2019 میں کامیابی حاصل کرنے والوں کو عمدہ کارکردگی پر خراجِ تحسین پیش کیا۔یہ تمام تر کامیابیاں ہمارے نوجوان شیفس اور ان کے ٹرینرز کی بدولت ہی ہیں۔یہ ٹیم پاکستان کے لئے فخر کا استعارہ ہے جس سے پتہ چلتا ہے کہ پاکستان میں ہر شعبہ میں بے بہا ٹیلنٹ موجود ہے۔ اور یہ کامیابی دوسروں کو بھی ایسے بین الاقوامی مقابلہ جات میں شرکت کرنے کا جذبہ فراہم کرے گی۔