لاہور (نامہ نگار) لاہور میں چوری وڈکیتی کی متعدد وارداتوں میں شہریوں سے لاکھوں روپے، زیورات، موبائل فون، موٹر سائیکلوں اور گاڑیوں سمیت دیگر قیمتی سامان چھین لیا گیا۔ ہڈیارہ  میں ڈاکوؤں نے شعیب کے گھر سے 4لاکھ 70ہزار کی نقدی، طلائی زیورات اور دیگر سامان، ٹائون شپ میں ڈاکووں نے فواد کے گھر سے 4لاکھ 25ہزار کی نقدی، طلائی زیورات اور دیگر سامان۔ سمن آباد میں ڈاکوئوں نے ذوالفقار کے گھر گھس کر3لاکھ 90ہزار کی نقدی لوٹ لی۔ کوٹ لکھپت  میں ڈاکوئوں نے عثمان کے گھر سے 2لاکھ 30 ہزار کی نقدی، طلائی زیورات اور دیگر سامان، گجر پورہ میں ڈاکوئوں نے سلمان کے گھر سے 1لاکھ، زیورات اور دیگر سامان لوٹ لیا۔ مصطفی ٹاؤن میں ڈاکوؤں نے دکان میں گھس کر عمر سے75ہزار کی نقدی اور دیگر سامان، گلبرگ کے علاقہ میں ڈاکوئوں نے سرور سے22ہزار کی نقد ی اور دیگر سامان، ساندہ کے علاقہ میں ڈاکوؤں نے وحید سے25 ہزار کی نقدی زیورات اور دیگر سامان چھین لیا۔ جبکہ قائد اعظم انڈسٹریل اسٹیٹ اور غازی آباد سے گاڑیاں اور گوالمنڈی، لٹن روڈ اور جوہر ٹائون سے موٹر سائیکلیں چوری ہو گئیں۔