اٹک (نامہ نگا ر)پاکستان تحریک انصاف کے امیدوار حلقہ این اے50سید ذوالفقار عباس بخار ی اپنے حلقہ کی عوام کے مسائل کے حل کیلئے دِن را ت کوشاں ہیں، ملک بھر کی طرح ضلع اٹک میں بھی جانوروں میں پھیلی ہوئی لپی سکن بیماری کے خاتمے کیلئے سید زلفی بخاری نے ضلع بھر میں اپنے ذاتی اخراجات سے جانوروں کو ویکسینیشن کروانے کے علاوہ مفت ادویات فراہم کر کے حلقہ کی عوام کے دل جیت لیے ہیں، سید زلفی بخاری کی آئے روز بڑھتی ہوئی مقبولیت سے مخالفین حواس باختہ ہو چکے ہیں ،سید زلفی بخاری نے اپنے حلقہ میں ہونے والی فوتگیو ں میں خصوصی شرکت کرتے ہوئے حضرت سا ئیں فتح الدین چشتی سجادہ نشین خانقاہ معلی حضرت مولانا محمد علی مکھڈ شریف کے نمازجنازہ میں شرکت کی،بعد ازاں انہوں نے سابق امیدوار سردار ممتا زخان آف بسال کی وفات پر ان رہائش گاہ پر اور جنڈ میں خواز خان کی وفات پر ان کے بیٹے سے دعائے مغفرت اور بلندی درجات کیلئے خصوصی دعا کرتے ہوئے کہا کہ اللہ تعالی مرحومین کی مغفرت فرمائے اورلواحقین کو صبر وجمیل عطا فرمائیں، اس موقع پران کے ہمراہ ملک نوید حسین،حاجی عاقب صدیق، شاہد لطیف اور نمبردار فرید بھی موجود تھے۔