ساہیوال: ڈکیتی مزاحمت پر شہری زخمی‘ مبینہ مقابلے میں ڈاکوہلاک‘ ساتھی فرار

ساہیوال( نمائندہ نوائے وقت) دوران ڈکیتی مزاحمت پر نامعلوم ڈاکوﺅں نے فائرنگ کرکے شہری کو زخمی کردیا۔مبینہ پولیس مقابلہ میں ہلاک ڈاکو ودیگر کے خلاف مقدمہ قتل درج ۔مختلف وارداتوں میں نامعلوم ڈاکو نقدی ‘موبائل فونز چھین کر فرار ۔ ڈکیتی کی واردات گزشتہ روز 99/6-Rکے قریب ہوئی یہاں عمران حسین پٹرول کی سپلائی دیکر گھر واپس جارہا تھا کہ 99/6-R کے قریب 2نامعلوم ڈاکوﺅں نے گن پوائنٹ پر روک لیا اور نقدی 20ہزار روپے اور آئی ڈی کارڈچھین لیا اورمزاحمت پر فائرنگ کرکے اسے زخمی کرکے فرار ہو گئے ۔بعدازاں مذکورہ ڈاکوﺅں نے 98/6-Rکے قریب برکس کمپنی کے سامنے دو موٹرسائیکل سواروں سے نقدی اورموبائل فونز چھین فرار ہوئے ۔ بعدازاں ایک نامعلوم ڈاکونہرپل کے قریب مبینہ پولیس مقابلہ میں ہلاک ہوا جبکہ دوسرا فرار ہو گیا ۔ایک اور واردات گلشن نور کے قریب ہوئی یہاںظہیر اصغر کا رپر شہر سے واپس گھر جارہا تھا کہ راستے میں 3نامعلوم ملزمان نے گن پوائنٹ پر نقدی 2ہزار روپے اور 2موبائل فونز چھین لئے اور فرار ہو گئے ۔ پولیس نے نامعلوم ڈاکوﺅں کے خلاف قتل اور ڈکیتی کے مقدمات الگ الگ درج کرلئے ہیں۔
مبینہ مقابلہ