شہباز گل کےساتھ غیر انسانی سلوک کیا گیا:اسلم بلوچ 

شیخوپورہ(نمائندہ خصوصی)تحریک انصاف کے صوبائی رہنماءمرکزی انجمن تاجران کے چیئر مین الحاج ملک اسلم بلوچ نے کہا ہے کہ نااہل پی ڈی ایم ٹولہ ملکی معیشت کیساتھ کھلواڑ اور سیاسی مخالفین کیخلاف من گھڑت الزامات لگا رہا ہے (ن) لیگی پراپیگنڈا سیل 24 گھنٹے پنجاب حکومت عمران خان اور اداروں کے درمیان اختلافات کی سازش کر رہا ہے شہباز حکومت عوامی مسائل سے توجہ ہٹانے کیلئے نت نئے شوشے چھوڑ رہی ہے عمران خان اور پنجاب حکومت کے درمیان اختلافات کی باتیں من گھڑت ہیں، اپنے ایک بیان میںملک اسلم بلوچ نے کہا کہ اسلام آباد پولیس نے وفاقی حکومت کی ایماءپرشہباز گل پر بدترین تشدد کیا شہباز گل سے غیر انسانی سلوک‘ ذہنی اور جسمانی تشدد کیا گیا شہباز گل سے ایسے بیانات لینے کی کوشش کی جارہی ہے جس میں دیگر پی ٹی اٹی کی قیادت کو ملوث کیا جاسکے اگر کسی سے غلطی ہوئی تو اسکا فیصلہ عدالتوں نے کرنا ہے۔