قومی کرکٹر محمد رضوان کو ٹرینر کے  سر پر بال مارنے پر سب کے  سامنے کان پکڑنے پڑگئے

لاہور(سپورٹس رپورٹر)قومی کرکٹر محمد رضوان کو ٹرینر کے سر پر بال مارنے پر سب کے سامنے کان پکڑنے پڑگئے جس کی ویڈیو سوشل میڈیا وائرل ہوگئی ۔ ٹریننگ سیشن کے دوران رضوان چھکے پر چھکے لگارہے تھے کہ ان کی ایک بال باو¿نڈری پر کھڑے ٹرینر کے سر پر جالگی۔بال اتنی تیزی سے لگی تھی کہ ٹرینر نے سر پکڑ لیا جس پر رضوان بیٹنگ چھوڑ کر ٹرینر کی طرف بھاگے اور ٹرینر کو گلے لگالیا۔بعد ازاں رضوان کو ہنستے ہوئے ٹرینر کے آگے کان پکڑے بھی دیکھا گیا۔