سعودی عرب کا فیفا ورلڈکپ کے ٹکٹ ہولڈرز کیلئے ویزے کا اعلان

لاہور(سپورٹس رپورٹر)سعودی عرب قطر میں ہونے والے ورلڈکپ 2022 کے ٹکٹ ہولڈرز کیلئے ویزا کی منظوری دے گا۔سعودی وزارت خارجہ نے قطر میں ہونے والے فٹ بال ورلڈکپ کے ٹکٹ ہولڈرز کیلئے ویزے کی منظوری کی تصدیق کی۔ حیا فین آئی ڈی کے حامل تماشائیوں کو ٹورنامنٹ کے آغاز سے 10 دن پہلے مملکت میں داخل ہونے کی اجازت دیتے ہوئے ویزا دیا جائےگا اور انہیں 60 دن تک رہنے کی اجازت بھی دی جائےگی۔سعودی وزارت خارجہ نے کہا ہے کہ ویزا ہولڈرز کو اس مدت کے دوران ملک سے باہر جانے اور دوبارہ داخل ہونے کی اجازت بھی ہوگی البتہ ویزے کیلئے درخواست دینے والے کسی بھی شخص کو سعودی عرب جانے سے پہلے میڈیکل انشورنس بھی حاصل کرنی ہوگی۔فا فٹ بال ٹورنامنٹ کے لیے اس ماہ 2.45 ملین ٹکٹس فروخت ہوچکی ہیں۔