شیخوپورہ ونواح میں غےر معےاری پانی کی بوتلوں کی فروخت جاری

شیخوپورہ (نمائندہ خصوصی) شیخوپورہ شہر اور گردونواح میں غیر رجسٹرڈ پانی کی بوتلےں بیچنے والے گروہ کھلے عام کام کر رہے ہیں جبکہ بعض رکشوں میں نہروں کا گندا پانی بھی فروخت کیا جا رہا ہے شہر کے بعض ہوٹلوں کنٹینوں میں غیر معیاری پانی کی بوتلیں عوام کو فراہم کی جا رہی ہے جن کے استعمال سے لوگ پیٹ ،جلدی ہیپاٹائٹس سمیت دیگر بیماریوں کا شکار ہو رہے ہیں جبکہ پنجاب فوڈاتھارٹی شیخوپورہ کا عملہ ان غیر رجسٹرڈ جعلی کمپنیوں کیخلاف کوئی کاروائی نہیں کر رہا ایک سروے میں شہریوں نے کہا ہے کہ شیخوپورہ میں غیر معیاری پینے کے پانی کی بوتلیں کے استعمال سے لوگ بیماریوں کا شکار ہو رہے ہیں۔غیرمعیاری پینے کا پانی فروخت کرنے والے افراد کیخلاف فوری کاروائی کی جائے ۔