گوجرانوالہ:آرٹس کونسل کے زیر انتظام2روزہ تصویری نمائش اختتام پذیر

گوجرانوالہ(نمائندہ خصوصی )پنجاب کونسل آف دی آرٹس گوجرانوالہ ڈویژن محکمہ اطلاعات و ثقافت حکومت پنجاب کے زیر انتظام2 روزہ تصویری نمائش اختتام پذیر ہوگئی ۔ تحریک پاکستان کے حوالے سے کی جانے والی کاوشوں سے اپنی نوجوان نسل کو آگاہ کرنا اور ہمارے آباؤ اجداد کی لازوال قربانیوں کو خراج تحسین پیش کرنا ہمارے اداروں کی ذمہ داری ہے ،ان خیالات کا اظہار شاعر جان کاشمیری نے پنجاب کونسل آف دی آرٹس گوجرانوالہ ڈویژن کے زیر اہتمام نظریہ پاکستان ٹرسٹ کے اشتراک سے تصویری نمائش کے افتتاح کے موقع پر کیا ،نمائش میں تحریک پاکستان پر مبنی دستاویزی فلم اور نایاب تاریخی کتب پیش کی گئیں، تقریب میں ممتاز سماجی و ادبی شخصیات نے نمائش کو خوب سراہا۔ نظریہ پاکستان ٹرسٹ کے پروفیسر زاہد اقبال طلبا وطالبات میڈیا نمائندگان اور فیملیز نے شرکت کی۔ غلام عباس فراست ڈائریکٹر پنجاب کونسل آف دی آرٹس گوجرانوالہ ڈویژن نے شرکا اور نظریہ پاکستان ٹرسٹ کی ٹیم کا شکریہ ادا کیا ۔