نیرج چوپڑا یا کسی اور مقابلہ نہیں‘مقابلہ خود کیساتھ کرتا ہوں:ارشد ندیم

 لاہور (سپورٹس رپورٹر ) ورلڈ اتھلیٹکس چیمپئن شپ کے فائنل اور پیرس اولمپکس میں کوالیفائی کرنے کے بعد پاکستانی اتھلیٹ ارشد ندیم نے کہا ہے کہ مونڈو ٹریک پر میری ٹریننگ نہیں رہی۔ پہلے تھرو کم پھینکے جا رہے تھے، جیسے جیسے تھرو کیے تو بعد میں اچھی تھرو ہوتی گئی، انشا اللہ فائنل میں مزہ آئیگا۔ نیرج چوپڑا یاکسی اور کیساتھ میرا کوئی مقابلہ نہیں ہے، میں ہمیشہ اپنا مقابلہ اپنے ساتھ کرتاہوں، نیرج چوپڑا کیلئے بھی نیک تمنائیں ہیں، نیرج بھائی آپ بھی اچھا کریں ، اور میں بھی اچھا کرنے کی کوشش کروں گا، امید ہے کہ دنیا میں ہمارا نام ہو۔ میری ہمیشہ کوشش ہوتی ہے کہ سب سے اچھی تھرو کروں، ورلڈ اسلامک گیمز کے ایک سال بعد میں دوبارہ ایکشن میں واپس آیا ہوں۔ مجھے امید تھی کوالیفائی کر جائوں گا اور تھرو بھی اچھی کروں گا،ورلڈ اتھلیٹکس چیمپئن شپ سے پہلے جو سوچا تھا ویسا ہی ہوا۔