الحمراء کلچرل کمپلیکس میں یوم دفاع کی مناسبت سے میورل آرٹ ورکشاپ 

لاہور(کلچرل رپورٹر)آرٹس کونسل کے زیر اہتمام الحمراء کلچرل کمپلیکس قذافی سٹیڈیم میں یوم دفاع کی مناسبت سے میورل آرٹ ورکشاپ کا انعقاد ہو گا۔ ورکشاپ میں شرکت کیلئے 20اور 20برس سے زائد کی عمر کے آرٹسٹ 28اگست تک رجسٹریشن کروا سکتے ہیں۔ ایگزیکٹو ڈائریکٹر الحمراء طارق محمود چوہدری نے اس حوالے سے اپنے تاثرات میں بتایا کہ میورل آرٹ کے ذریعے نوجوانوں کو یو م دفاع کی اہمیت سے آگاہ کیا جائے گا۔ تجربہ کار اساتذہ 4روزہ ورکشاپ میں میورل آرٹ کی تاریخ، تکنیک، افادیت واہمیت سے روشناس کریں گے۔ یہ ورکشاپ 29اگست تا 01ستمبرتک الحمراء آرٹ میوزیم،کلچرل کمپلیکس قذافی سٹیڈیم میں صبح 10تا سہ پہر 3بجے تک جاری رہے گی۔