شیخوپورہ(نمائندہ نوائے وقت)تھانہ سٹی فاروق آباد نے جرائم پیشہ افراد کیخلاف کارروائیاں کرتے 2 رکنی نوید عرف نیدا چھری مار ڈکیت گینگ کو گرفتار کر لیا۔ یہ گینگ درجن سے زائد ڈکیتی‘راہزنی‘ نقب زنی اور چوری کی متعدد وارداتوں میں مطلوب تھا۔ ملزموں کے قبضہ سے پسٹل اور چھرا برآمد کر لیا گیا۔ ۔ 2 رکنی گینگ میں شامل سرغنہ نوید عرف نیدا چھری مار اور عاصم عرف چوسنی شامل ہیں۔ گینگ سے 2 لاکھ پچاس ہزار مالیت کا مال مسروقہ برآمد کیا گیا۔ جو اصل مالکان کے حوالے کیا گیا۔