اسلام آباد(اپنے سٹاف رپورٹر سے)تھا نہ سبزی منڈی اورتھانہ آئی نائن کی پولیس ٹیمو ں نے اپنے اپنے علاقے میں دو گمشدہ بچوں کو بحفاظت بازیاب کرلیا متاثرہ والدین کی جانب سے تھا نوں میں بتایا گیا کہ ان کے بچے سعدخلیل اور ثمر عمران لاپتہ ہوگئے ہیں،جن کی فوری تلاش کرنے میں مدد کی جائے جس پر پولیس نے  تکنیکی اورانسانی ذرائع کو بروئے کارلاتے ہوئے گمشدہ بچوں کو قلیل وقت میں تلاش کرکے بحفا ظت ان کے والدین کے حوالے کر دیا، بچوں کے والدین نے پولیس ٹیموں کا شکریہ ادا کیا اور فوری مدد کرنے پراسلام آباد پولیس کی کاوشوں کو سراہا۔