لاہور (خصوصی رپورٹر) سینٹ میں مسلم لیگ (ن) کی جانب سے چودھری جعفر اقبال کو ٹکٹ دیئے جانے پر ان کے حامیوں نے لاہور، گجرات، رحیم یار خان، اسلام آباد میں ہی خوشیاں نہیں منائیں بلکہ قومی اسمبلی کے حلقہ این اے 101 گوجرانوالہ سے افتخار احمد چیمہ کے حامیوں نے بھی مسلم لیگ (ن) کی قیادت کے اس فیصلے پر جشن منایا۔ افتخار چیمہ کے حامی نہیں چاہتے تھے کہ وہ قومی اسمبلی کی نشست چھوڑ کر سینٹ کا الیکشن لڑیں بلکہ وہ انہیں آئندہ الیکشن میں بھی قومی اسمبلی کے امیدورار کی حیثیت سے الیکشن لڑوانے کے خواہاں ہیں۔ ان کا موقف ہے کہ افتخار چیمہ کی جگہ حامد ناصر چٹھہ کو مسلم لیگ (ن) کا امیدوار بنانا حلقے کے مسلم لیگ (ن) کے کارکنوں کے جذبات کا خون کرنے کے مترادف ہوگا۔