سی این جی ایسوسی ایشن پنجاب زون کے صدر شجاع انور نے بتایا کہ یہ فیصلہ صرف رواں ہفتے کے لئے کیا گیا ہے تاکہ گھریلوصارفین کو گیس کی فراہمی یقینی بنائی جائے۔ ان کا کہنا تھا کہ محکمہ سوئی ناردرن نے انہیں اس فیصلےسے پہلے ہی آگاہ کردیا تھا۔ دوسری جانب سی این جی اسٹیشنز بند ہونے سے لاہور شیخوپورہ، ساہیوال ، ملتان اور گوجرانوالہ میں شہریوں کو سی این جی نہ ملنےکے باعث شدید مشکلات کا سامنا ہے۔