گڑھی خدا بخش میں شہید بےنظیربھٹو کی پانچویں برسی کی تقریبات شروع، صدرزرداری اوربلاول بھٹوسمیت اہم رہنما خطاب کریں گے۔

گڑھی خدا بخش میں محترمہ بےنظیر بھٹو کی پانچویں برسی کےحوالےسےتقریبات کا آغاز ہوچکا ہے۔ ملک بھر سے پیپلز پارٹی کے کارکنوں کے قافلے بھی گڑھی خدا بخش پہنچ کربے نظیر بھٹو کے مزار پر حاضری دے رہے ہیں، برسی کی تقریبات میں شرکت کیلئے پیپلزپارٹی کے مرکزی رہنماؤں، وفاقی و صوبائی وزراء اور ارکان اسمبلیوں کی آمد بھی جاری ہے۔ برسی کے موقع پر آج تعزیتی جلسہ بھی منعقد کیا جائےگا جس سے صدر آصف علی زرداری، پیپلز پارٹی کےچیئرمین بلاول بھٹو زرداری اور دیگر اہم رہنما خطاب کریں گے۔ بلاول بھٹو زرداری اپنے خطاب کے دوران آج باقاعدہ طور پر اپنے سیاسی کیریئر کے آغاز کا اعلان بھی کرینگے۔ اس موقع پرسیکیورٹی کے سخت انتظامات کیے گئے ہیں اور گڑھی خدا بخش میں پولیس اور رينجرز کے دس ہزار سے زائد اہلکار تعینات ہیں۔