نارووال (نامہ نگار) راہ گیروں کو لوٹنے والے دو ڈاکو شہری کی فائرنگ سے ہلاک ہوگئے۔ تھانہ صدر نارووال کے مطابق گذشتہ شب نارووال کنجروڑ روڈ پر بنیادی مرکز صحت چندووال کے قریب نامعلوم ڈاکوناکہ لگا کر راہ گیروں سے لوٹ مار کر رہے تھے نارووال سے چندرکے جانے والی کار کو بھی ڈاکوں نے روک لیا جس میں سواردو افراد جاوید شاہین اور محمد شاہدکو لوٹنا چاہا مزاحمت پر شہری کی فائرنگ سے لوٹ مار کرنے والے دو نوں ڈاکو شدید زخمی ہوگئے اور زخموں کی تاب نہ لاتے ہوئے موقع پر ہی دم توڑ گئے۔ واقعہ کی اطلاع پر پولیس تھانہ صدر نارووال موقع پر پہنچ گئی اور دونوں کی نعشوں کو قبضہ میں لے کر ڈسٹرکٹ ہسپتال نارووال منتقل کر دیا۔ بعد ازاں شناخت پریڈ پر معلوم ہوا کہ نواحی گائوں بوبک کا رہائشی محمد آصف اور ضلع شیخوپورہ کا رہائشی صداقت علی عرف بائو جو پولیس کو بین اضلاعی وارداتوں جن میں چوری ڈکیتی اور دیگر سنگین درجنوں مقدمات میں مطلوب تھے پولیس تھانہ صدر نارووال نے پوسٹ مارٹم اور ضروری کاروائی کے بعد تفتیش شروع کر دی ہے۔