لاہور(سپورٹس رپورٹر) نیوزی لینڈ کیخلاف سیریز کیلئے جاری قومی کرکٹ ٹیم کا تربیتی کیمپ اختتام پذیر ہو گیا۔ قومی ٹیم آج رات لاہور سے نیوزی لینڈ کے لئے روانہ ہوگی۔کیمپ کے آخری روز محمد حفیظ اور اظہر علی نے بھی کیمپ میں ٹریننگ کی، ا س سے قبل وہ کراچی میں قائد اعظم ٹرافی کا فائنل میچ کھیل رہے تھے۔ کھلاڑیوں نے فیلڈنگ، بائولنگ، بیٹنگ کی پریکٹس کی۔ کھلاڑیوں نے اونچے شاٹس کھیلے۔ کھلاڑیوں کو بائونسر کا سامنا کرنے کی پریکٹس کروائی گئی، شاداب خان بیرون ملک ہونے کی وجہ سے ٹیم کو نیوزی لینڈ میں جوائن کریں گے۔