میلبورن ٹیسٹ:وارنر کی سنچری ُآسٹریلیا کے 3وکٹوں پر244رنز

امیلبورن (سپورٹس ڈیسک ) یشز سیریز کے چوتھے ٹیسٹ میں پہلے روز آسٹریلیا نے پہلی اننگز میں3وکٹوں کے نقصان پر244رنز بنالئے۔میلبورن کرکٹ گراونڈ پر آسٹریلیانے ٹاس جیت کرپہلے بیٹنگ کا فیصلہ کیا، اوپنر بین کرافٹ اور ڈیوڈ وارنر نے 122رنز کاآغاز فراہم کیا۔آسٹریلیا کو پہلا نقصان بین کرافٹ کی وکٹ کی صورت میں اٹھانا پڑا، وہ 26رنز کی اننگز کھیل کر ووکس کی گیند پر ایل بی ڈبلیو ہوگئے۔ڈیوڈ وارنر103رنز کی اننگز کھیل اینڈرسن کی گیند پر وکٹ کیپر بیرسٹو کے ہاتھوں کیچ آوٹ ہوئے۔ ٹیسٹ میچوں میں یہ ان کی 21ویں سنچری ہے۔عثمان خواجہ صرف 17رنز بناسکے،سٹیوسمتھ اور شان مارش نے چوتھی وکٹ کی ناقابل شکست شراکت میں 84رنز بناکر سکور244رنز تک پہنچادیا۔پہلے روز جب کھیل ختم ہوا تو سمتھ 65اور مارش31رنز کیساتھ ناٹ آئوٹ تھے۔ اینڈرسن، براڈ اور ووکس نے ایک ایک وکٹ حاصل کی۔