لاہور(سپورٹس رپورٹر) پاکستان کرکٹ بورڈ کے زیر اہتمام محکمہ جاتی ٹیموں کے درمیان ون ڈے کپ ٹورنامنٹ کل بروز جمعرات سے کراچی اور حیدر آباد میں شروع ہوگا۔ ٹورنامنٹ میں آٹھ ٹیمیں شریک ہیں جن میں سوئی نادرن گیس پائپ لائن، کے آر ایل، نیشنل بنک آف پاکستان، ایچ بی ایل، واپڈا، سیوئی سدرن گیس کمپنی، پی بی ایل اور پی ٹی وی شامل ہیں۔ پہلے روز سوئی نادرن گیس کمپنی کا میچ کے آر ایل سے نیاز سٹیڈیم حیدر آباد میں، نیشنل بنک اور حبیب بنک کی ٹیمیں نیشنل بنک سٹیڈیم کراچی، واپڈا اور سوئی سدرن گیس کمپنی کے درمیان میچ سٹیٹ بنک گراونڈ کراچی جبکہ یو بی ایل اور پی ٹی وی ٹیمیں یو بی ایل گراونڈ کراچی میں مد مقابل ہونگی۔