لاہور (پ ر) حضرت شیخ سرکار محبوب سبحانی سید عبدالقادر ثانیؒ کے 3 روزہ عرس کی تقریبات کل 28 دسمبر جمعرات سے 30 دسمبر تک وارث روڈ (برڈ ووڈ روڈ) پر جاری رہیں گی۔ عرس کی تقریبات کا آغاز جمعرات کو چادر پوشی اور چراغاں سے ہو گا۔ دوسرے روز محفل نعت خوانی کا انعقاد ہو گا جس میں معروف نعت خواں محمد نعیم ظہوری قصوری، خورشید احمد گولڑوی اور لیاقت علی قادری ہدیہ نعت پیش کریں گے۔ اسی روز بعد نماز عشا علامہ نزاکت حسین گولڑوی، قاری محمد قاسم، علامہ حماد علی شاہ، پیر نور الٰہی انور اور محمد اجمل قادری سمیت دیگر معروف علماء خطاب کریں گے۔