مسلم لیگ نون کی جانب سے وزیراعظم کا امیدوار نامزدہونے کے بعدشہبازشریف کی اہمیت میں اضافہ، سعودی عرب نے خصوصی طیارہ بھیج کر بلوا لیا

وزیراعلٰی پنجاب شہبازشریف سعودی حکومت کی جانب سے بھجوائے گئے خصوصی طیارے میں ریاض چلے گئے۔ ذرائع کے مطابق مسلم لیگ نون کی جانب سے وزارت عظمٰی کے نامزد امیدوار شہبازشریف اہم دورے پر اچانک سعودی عرب روانہ ہوئے ہیں۔ شہبازشریف تین روزہ دورے میں سعودی حکام سے اہم ملاقاتیں کرنے کے ساتھ ساتھ عمرہ کی سعادت بھی حاصل کریں گے۔ ذرائع کے مطابق صدر مسلم لیگ نون نوازشریف کی جانب سے دوہزار اٹھارہ میں شہبازشریف کو وزیراعظم کے امیدوار کے طور پر نامزد کرنے کے بعد سے اب تک سولہ ممالک کے سفیر ان سے ملاقاتیں کرچکے ہیں۔ ذرائع کے مطابق شہبازشریف سے تین روز قبل سعودی سفیر نے لاہور میں خصوصی ملاقات بھی کی تھی۔