کراچی(نیوز رپورٹر) میڈی کیم‘ کے این اکیڈمی ‘ دی آرکیڈ اسکول کے منیجنگ ڈائریکٹر جنید خلیل نینی تال والا کی جانب سے گلشن اقبال ٹائون یوسی21 کو الیکٹرک گاڑی دیئے جانے پر دی آرکیڈ اسکول گلشن اقبال برانچ میں تقریب کاانعقاد کیا گیا۔ تقریب میں ڈائریکٹر میڈی کیم گروپ ظفر ریاض باری‘ چیئرمین ڈسٹرکٹ ایسٹ معید انور نے خصوصی طور پر شرکت جبکہ دیگر مہمانوںمیں وائس چیئرمین ڈسٹرکٹ ایسٹ عبد الرئوف‘ یوسی 21کے چیئرمین عدنان سمیت منتخب کونسلرز اور اسکول کے اساتذہ بھی تقریب میں موجود تھیں۔ تقریب میں ڈسٹرکٹ ایسٹ وائس چیئرمین عبد الرئوف اور یوسی 21 گلشن اقبال ٹائون کے چیئرمین عدنان احمدنے الیکٹرک گاڑی تحفہ دینے پر جنید خلیل نینی تال والا‘ ظفر ریاض باری اور آرکیڈ اسکول انتظامیہ کا شکریہ ادا کیا۔