کسووال( نامہ نگار) کسووال کے قریب نیشنل ہائی وے پر تیز رفتار ویگن بے قابو ہوکر اُلٹ گئی، 5 افراد شدید زخمی، ریسکیو 1122 نے زخمیوں کو طبی امداد کے بعد ٹی ایچ کیو ہسپتال منتقل کردیا۔ تفصیلات کے مطابق چیچہ وطنی سے ملتان کی طرف جارہی تھی کہ راستے میں کسووال اوور ہیڈ برج کے قریب ویگن حب ٹوٹنے کے باعث ویگن اُلٹ گئی جس کے نتیجہ میںایک خاتون اور بچہ سمیت 5 افراد شدید زخمی ہوگئے ریسکیو 1122 نے زخمیوں کو طبی امداد کے بعد تحصیل ہیڈ کوارٹر ہسپتال منتقل کردیا جبکہ موٹروے پولیس بھی موقع پر پہنچ گئی۔