خیبرپختونخوا کی حکومت صوبے کے جنوبی اضلاع میں پینے کے صا ف پانی کی فراہمی کی سکیموں پر تقریباً نو ارب روپے خرچ کررہی ہے۔ پبلک ہیلتھ انجینئرنگ ڈیپارٹمنٹ کے ترجمان نے ریڈیو پاکستان کے پشاور کے نمائندے کو بتایا کہ ان علاقوں میں پینے کے صاف پانی کی تقریباً سات سو چھوٹی سکیمیں پہلے ہی مکمل کی جاچکی ہیں۔
انہوں نے کہا کہ تین سو سے زائد ٹیوب ویلوں کو شمسی توانائی پر منتقل کیا گیا ہے تاکہ عوام کو پینے کے صاف پانی کی بلا تعطل فراہمی یقینی بنائی جائے۔
