لاہور(کلچرل رپورٹر)ریڈیو پاکستان لاہور نے ایف ایم اور میڈیم ویو چینل پر براڈکاسڑ،شاعر اور سابق ڈائریکٹر جنرل ریڈیو پاکستان سید سلیم گیلانی کے یوم وفات پر خصوصی رپورٹ نشر کی جس کے راوی،رائٹر اور پروڈیوسر مدثر قدیر تھے ۔رپورٹ میں شاعر اور اردو ادب کے استاد ناصر بشیر اور اردو ادب کا ایک دور سمیٹے ناصر زیدی کے تاثرات شامل تھے جنہوں نے سلیم گیلانی کے فن اور شخصیت پر اپنی رائے کا اظہار کرتے ہوئے کہاکہ سید سلیم گیلانی نے نعت کو غزل کے پیرائے میں سمیٹ کر ایک نیا رنگ پیدا کیاان کی نعتیہ شاعری پر مبنی کتاب سیدناﷺ کو صدارتی ایوارڈز سے نوازہ جاچکا ہے۔