لاہور(سپورٹس رپورٹر+نمائندہ سپورٹس) میجر جنرل سعید الزمان جنجوعہ میموریل پولو کپ کے تیسرے دن پہلے سیمی فائنل میں اے او ایس پولو ٹیم نے ماسٹر پینٹس بلیک کو 5.5-5 آدھے گول کے فرق سے ہرا کر فائنل کیلئے کوالیفائی کرلیا۔ ڈائمنڈ پینٹس نے فلائی بوائز کو ہرا کر سب سڈری فائنل کیلئے کوالیفائی کرلیا ۔ آج دوسرا سیمی فائنل ماسٹر پینٹس اور باڑیز کی ٹیموں کے درمیان جبکہ سب سڈری کیلئے آرٹیما میڈیکل /بلیک ہارس پینٹس کا مقابلہ پلانٹیم ہومز سے ہوگا۔