بلاول برسی پر اپنے والد سے پوچھیں انکے دست راست سانحہ کے بعد بھاگ کر بلاول ہاؤس کیوں گئے: فیاض الحسن چوہان

وزیر اطلاعات پنجاب فیاض الحسن چوہان نے کہا ہے کہ بلاول بھٹو زرداری اپنی ماما کی برسی ضرور منائیں مگر اپنے پاپا پر بھی برسیں، برسی پر اپنے والد سے پوچھیں ان کے دست راست رحمان ملک سانحہ کے بعد بھاگ کر بلاول ہائوس کیوں گئے ؟۔لاہور میں میڈیا سے گفتگو کرتے ہوئے انہوں نے کہا کہ  بلاول اپنے والد سے پوچھیں کہ محترمہ کا پوسٹ مارٹم کیوں نہ کروایا گیا ؟ آصف زرداری نے ٹین ایج میں اپنے بیٹے کو کرپشن سمیت نوسربازی کے تمام گر سکھادیئے ، انہیں نیب کے سامنے لازمی پیش ہونا پڑے گا ۔ انہوں نے کہا  کہ  راولپنڈی میں کرائے کے جتنے لوگ اکٹھے کرلیں کوئی فائدہ نہیں ہونا، آپ کھربوں روپے غریب عوام پر لگا دیتے تو بہت اچھا ہوتا۔