اسلام آباد (نوائے وقت رپورٹ) وفاقی وزیر برائے ہوابازی غلام سرور خان کا کہنا کہ پی آئی اے سے متعلق یورپی یونین کے خدشات دور کر دیئے۔ ٹیکسلا میں صحافیوں سے گفتگو کرتے ہوئے غلام سرور خان کا کہنا تھا کہ پی آئی اے میں 8 نئے طیارے شامل کر رہے ہیں۔ غلام سرور خان کا کہنا تھا کہ اپوزیشن نیب قوانین میں ترمیم چاہتی ہے، پی ڈی ایم این آر او کے لیے پریشر بڑھا رہی ہے لیکن پی ڈی ایم کی چیخ و پکار سے احتساب نہیں رکے گا۔ پیپلز پارٹی کے اکثر لوگ اور مسلم لیگ ن کے اندر ایک گروپ بھی استعفیٰ نہیں دے گا۔ سینیٹ الیکشن میں ہارس ٹریڈنگ سے بچنے کے لیے شو آف ہینڈ چاہتے ہیں۔