معروف موٹیویشنل سپیکر قاسم علی شاہ کاکوتھم نیو گارڈن ٹاؤن کیمپس کا دورہ 

لاہور ( پ ر) معروف موٹیویشنل سپیکر اور کارپوریٹ ٹرینر قاسم علی شاہ نے کوتھم نیو گارڈن ٹاؤن کیمپس کا دورہ کیا۔ احمد شفیق ، بانی و چیف ایگزیکٹو آفیسر کوتھم پاکستان اینڈ دوبئی نے قاسم علی شاہ کو خوش آمدیدکیا۔قاسم علی شاہ اور سی ای او کوتھم نے کوتھم نیٹ ورک اور قاسم علی شاہ فاؤنڈیشن کے درمیان مستقبل میں تعاون پر غورکیا۔ بعدازاں، قاسم علی شاہ نے طالبعلموں سے خطاب کرتے ہوئے اپنے پسندیدہ شعبے میں کامیابی کے حصول کے لئے نصابی کتب سے بڑھ کرہنر اور مہارت حاصل کرنے کی اہمیت پر زور دیا۔سیشن کے دوران انہوں نے کہا کہ" زندگی میںچاہے جتنی بھی رکاوٹیں آئیں، آپ دوبارہ اُٹھ کھڑے ہونے کی صلاحیت رکھتے ہیں"۔یہ موٹیویشنل سیشن کوتھم کے طلبا ء میں کپیسٹی بلڈنگ پروگرام کا ایک حصہ تھا۔