کامونکے:بچوں کی لڑائی 9افراد نے ڈنڈوں کے وارکر کے تین بھائیوں کو شدید زخمی کردیا

کامونکے(نامہ نگار)بچوں کی لڑائی پر نوافراد نے ڈنڈوں کے وارکرکے تین بھائیوں کو شدید زخمی کردیا،جبکہ ملزمان ہوائی فائرنگ کرکے خوف وہراس بھی پھیلاتے رہے،بتایاگیاہے کہ صدیق کالونی کے عمران اور علی ہنجرا وغیرہ میں بچوں کی لڑائی پر جھگڑاہواتھا جس پر ان کے درمیان تنازع چل رہاہے گذشتہ روز عمران اپنے بھائیوں عبدالرحمن اور عدنان کے ہمراہ گھرمیں موجودتھاکہ ملزمان علی ہنجرا، رضا ہنجرا،فیاض،افضال، ثاقب اور عاقب وغیرہ نو افراد نے گھر پر ہلہ بول دیااور ڈنڈوں کے وارکرکے تینوں بھائیوں کو شدید زخمی کردیا، جبکہ ملزمان ہوائی فائرنگ کرکے خوف وہراس بھی پھیلاتے رہے،صدر پولیس نے مقدمہ درج کرلیا ہے۔