جنیانوالہ (نامہ نگار ) قائداعظم کے افکار اور نظریات کو اپنائے بغیر حقیقی ترقی و خوشحالی کا خواب کبھی شرمندہ تعبیر نہیں ہوسکتا۔الیکشن جیت کر اپنے حلقہ کے عوام کو تعلیم صحت اور انصاف کی فراہمی میری ترجیحات ہوں گی۔ڈاکٹر محمد یوسف کاظمی۔ ورلڈ یونین آف جرنلسٹ کے زیرِ اہتمام بانی پاکستان قائداعظم محمد علی جناح کے یومِ پیدائش کے موقع پر ورلڈ یونین آف جرنلسٹ کے ضلعی دفتر میں ایک پُر وقار تقریب کا اہتمام کیا گیا جس میں ورلڈ یونین آف جرنلسٹ کے مرکزی چیف آرگنائزر ڈاکٹر ایم ایچ بابر، مرکزی سیکرٹری انفارمیشن عرفان صفدر دھوتھڑ،صدر پنجاب حامد قاضی،جنرل سیکرٹری پنجاب عاصم اعوان،سیکرٹری انفارمیشن پنجاب عاطف رزاق عاطف، ضلعی صدر رانا خضر حیات، ضلعی کوآرڈینیٹر رانا احمد رضا،طارق خان لودھی،مرزا نوید مغل،آفتاب علی انصاری،علی رضا بھٹی،عثمان چوہان،وقاص شبیر،اعجاز جٹ،منور حسین ناگرہ،حبیب گجر اور اسامہ نصیر چغتائی سمیت ضلعی عہدیداران اور ممبران نے شرکت کی تقریب کے مہمان خصوصی امیدوار برائے قومی اسمبلی ڈاکٹر محمد یوسف کاظمی نے اپنے قریبی رفقاء کے ہمراہ شرکت کی۔