اسلام آباد (خبرنگار خصوصی) وزیر اعظم عمران خان کے معاون خصوصی شہباز گل نے کہا ہے کہ نواز شریف نے کفن باندھ لیا ہے۔ شہباز گل نے سماجی رابطے کی ویب سائٹ ٹوئٹر پر نواز شریف کی وطن واپسی کی خبروں پر ایک طنزیہ ٹویٹ کیا۔ انہوں نے لکھا کہ نواز شریف پہلے والا نواز شریف نہیں بلکہ انقلابی بن چکا ہے۔ انہوں نے لکھا کہ اب آپ نواز شریف کو باہر بھیجیں گے بھی تو وہ نہیں جائے گا۔ ڈاکٹر شہباز گل نے لکھا کہ حواری بولیں گے واہ واہ واہ، زبردست، ووٹ کو عزت دو، واہ میاں صاحب اور ہماری ڈیل ہو گئی ہے۔ معاون خصوصی نے اپنی ٹویٹ کے اختتام میں لکھا کہ ’کی زندگی اے ایناں دی‘۔
شہباز گل