نوشہرہ ،جائیداد پرتنازع،2بھائیوں سمیت 5قتل،ایک زخمی

نوشہرہ (نامہ نگار ) نوشہرہ کے علاقہ تنگی خٹک میںجائیداد تنازع پر  فریقین کے مابین گولیاں چل گئیں خونی تصادم کے نتیجے میں 5افراد جاں بحق جبکہ ایک شخص زخمی  ہو گیاجاں بحق ہونے والوں میں سے دو بھائی بھی شامل تھے ، زخمی کو قاضی میڈیکل کمپلیکس نوشہرہ جبکہ لاشوں کو پوسٹمارٹم کیلئے ڈی ایچ کیو منتقل کر دیا گیا۔ پولیس کے مطابق نوشہرہ کے علاقہ تنگی خٹک میں جائیداد کے تنازع پر دو فریقین کے مابین عرصہ دراز سے تنازع چلا آرہا تھا تاہم گذشتہ روز الصبح ایک فریق لطیف وغیرہ نے مسلح دوسرے فریق واجد علی کے گھر پر دوا بولتے ہوئے اندھا دھند فائرنگ شروع کردی جس کے نتیجے میںدو سگے بھائیوں سمیت  5افراد موقع پر جاں بحق ہو گئے جبکہ شعیب نامی شخص شدید زخمی ہوگئے جن کو فوری طور پر قاضی میڈیکل کمپلیکس پہنچا دیا گیا جاں بحق ہونے والوں میں نواب علی ولد ماصل ، عادل ولد ماسم ، سہیل ولد نامعلوم ، واجد علی ولد ماصل ، اسرار ساکنان تنگی خٹک نوشہرہ واقعہ کی اطلاع ملتے ہی مقامی پولیس نے فوری طور پر پہنچ کر علاقے کو گھیرے میں لے لیا تاہم ملزمان فرار ہونے میں کامیاب ہو گئے ، پولیس نے لاشوں کو تحویل میں لیکر پوسٹمارٹم کیلئے ڈی ایچ کیو منتقل کر دئیے پولیس نے واقع کا مقدمہ درج کرکے مزید تفتیش شروع کردی ۔
5افراد جاں بحق