راولپنڈی (سٹاف رپورٹر)پاکستان پیپلز پارٹی راولپنڈی سٹی کے انفارمیشن سیکریٹری راجہ محمد علی منہاس نے پارٹی آفس سے جاری بیان میں کہا ہے کہ آج 27 دسمبر بروز منگل دوپہر 1 بجے پاکستان پیپلز پارٹی راولپنڈی سٹی کے زیر اہتمام بینظیر کی پندرہویں برسی کی تقریب  لیاقت باغ راولپنڈی میں منعقد ہو رہی ہے تقریب کے مہمانان خصوصی وفاقی وزیر و صدر پی پی پی راولپنڈی ڈویژن سردار سلیم حیدر خان اور ایم ڈی پاکستان بیت المال و ترجمان آصف علی زرداری عامر فدا پراچہ ہونگے مقررین محترمہ بینظیر بھٹو کی ملکی و قومی خدمات بارے اظہار خیال کرینگے۔ جبکہ راولپنڈی ڈویژن کے تمام اضلاع تحصیلوں وارڈ کمیٹیوں ذیلی ونگز کے عہدداران پارٹی کارکنان کے ہمراہ جوق در جوق بھرپور شرکت کرینگے تقریب کا آغاز دوپہر 1 بجے ہو گا اور اختتام شام ساڑھے چار بجے دعائیہ تقریب اور بھٹو لنگر کی تقسیم کے ساتھ ہو گا۔