پی سی بی کا دورہ نیوزی لینڈ میں کوچنگ سٹاف تبدیل کرنے کا فیصلہ

 لاہور(سپورٹس رپورٹر)پاکستان کرکٹ بورڈ نے دورہ نیوزی لینڈ میں کوچنگ سٹاف تبدیل کرنے کا فیصلہ کرلیا ہے۔ بیٹنگ کوچ ایڈم ہولیوک اور ہائی پرفارمنس کوچ سائمن گرانٹ ہیلمٹ کو فارغ کئے جانے کا امکان ہے،۔ذرائع کے مطابق نیوزی لینڈ ٹی ٹونٹی سیریز میں یاسر عرفات ہائی پرفارمنس منیجر کے فرائض انجام دیں گے، یاسر عرفات کو بیٹنگ کوچ کی اضافی ذمہ داری بھی سونپ دی گئی ہے۔ محمد حفیظ کی آرا پر یاسر عرفات کی تعیناتی عمل میں لائی گئی ہے۔ محمد حفیظ کی مشاورت سے ہی بائولنگ کوچز سعید اجمل اور عمرگل کی تعیناتی عمل میں لائی گئی تھی۔ پاکستان کرکٹ بورڈ نے سابق کرکٹر یاسر عرفات کو ہائی پرفارمنس کوچ مقرر کردیا۔