غیرملکی نیوزایجنسی کے مطابق خودکش حملہ افغانستان کے شہر جلال آباد کے ائرپورٹ پر کیا گیا، دھماکے کے نتیجے میں نوافراد ہلاک اور سات زخمی ہوگئے۔ افغان پولیس کے ترجمان نے دھماکے کی تصدیق کرتے ہوئے بتایا کہ پیر کی صبح جلال آباد ائیرپورٹ کے داخلی راستے پر خودکش حملہ ہوا جس سے عمارت کا بیرونی حصہ اور متعدد گاڑیاں تباہ ہوگئیں، جلال آباد ائیرپورٹ مسافر اور فوجی طیاروں کی آمد ورفت کیلئے استعمال ہوتا ہے تاہم دھماکے سے طیاروں کو نقصان نہیں پہنچا۔