لاہور (سپورٹس رپورٹر) لاہور اوپن ٹینس ٹورنامنٹ باغ جناح لاہور میں شروع ہو گیا۔ ٹورنامنٹ میں پنجاب بھر سے ڈیڑھ سو سے زائد کھلاڑی اس میں شریک ہیں۔ افتتاحی روز کھیلے جانے والے میچز میں بلال نے علی عمر کو، احمد بابر نے حسنین منظور کو، عثمان رفیق نے عقیل سرفراز کو جبکہ عمر بابر نے غلام محمد کو شکست سے دوچار کیا۔ اس موقع پر میڈیا سے گفتگو کرتے ہوئے پاکستان ٹیم کے نان پلیئنگ کپتان رشید ملک کا کہنا تھا کہ اگر ڈیوس کپ ٹائی کے میانمر میں منعقد ہونے والے مقابلے گراس کورٹ پر ہوئے تو پاکستان ٹیم نیوزی لینڈ کے خلاف کامیابی حاصل کر لے گی۔ کلے اور ہارڈ کورٹ پر ایونٹ کے انعقاد کی صورت میں دونوں ٹیموں کے درمیان کانٹے دار مقابلہ دیکھنے کو ملے گا۔