پنجاب گورنمنٹ سکولز سینئر سٹاف ایسوسی ایشن کے انتخابات کا شیڈول جاری

لاہور( سٹاف رپورٹر )پنجاب گورنمنٹ سکولز سینئر سٹاف ایسوسی ایشن کے انتخابات کا شیڈول جاری کردیا گیا11مارچ کو ضلعی ،25مارچ کو ڈویژنل اور22اپریل کو صوبائی انتخابات کروانے کا فیصلہ کیا گیا ہے پنجاب کے36اضلاع کے لئے ریٹرننگ آفیسرز کی فہرست بھی جاری کردی گئی۔ضلعی عہدیداران کا انتخاب براہ راست ضلع کے تمام ووٹرز کریں گے جبکہ ڈویژنل عہدیداران کا چنائو منتخب ضلعی عہدیداران کریں گے۔ضلع اور ڈویژن کی سطح پر منتخب ہونے والے عہدیداران صوبائی انتخاب میں بطور ووٹر حصہ لیں گے۔ اس موقع پر چیئرمین ایکشن کمیٹی پنجاب گورنمنٹ سکولز سینئر سٹاف ایسوسی ایشن حافظ عبدالناصر نے بتایا کہ گذشتہ ضلعی انتخابات چار سال قبل انعقاد پذیر ہوئے تھے اور اس طرح ان کا دورانیہ مکمل ہوچکا ہے۔