پولیس نے شاہراہ فیصل پر ہوائی فائرنگ کرنے والے اور نشے میں دھت ہوکر سیکیورٹی اداروں کو چیلنج کرنے والے عدنان پاشا کو گرفتار کرلیا ہے۔تفصیلات کے مطابق کراچی کی مصروف شاہراہ فیصل پر فائرنگ اور سیکیورٹی اداروں کو چیلنج کرنے والے ملزم عدنان پاشا کو گرفتار کر لیا گیا ہے۔ایس ایس پی ایسٹ کا کہنا ہے کہ عدنان پاشا کو گلستان جوہر سے گرفتار کیا گیا،ملزم کواپنے دوست ذیشان سعیدکودھمکی دینے کے الزام میں گرفتارکیاگیاہے۔ایس ایس پی ایسٹ کا کہنا تھا کہ ملزم کیخلاف مقدمہ ذیشان سعید کی مدعیت میں درج کیاگیا، واضح رہے کہ ملزم نے گزشتہ روزہوائی فائرنگ کیس میں ضمانت کرائی تھی۔