لاہور (کلچرل رپورٹر) سٹیج ڈراموں کے ڈائریکٹر داور لاشاری کا نیا ڈرامہ’’ بلڈ برادرز‘‘ کل سے 10 مارچ تک روزانہ سوا سات بجے الحمرا ہال میں ہوگا۔ کاسٹ میں ایان ایلڈرڈ، ولید زیدی، ایمان شاہد، راستی فاروق، عبداللہ غضنفر، عمر چیمہ شامل ہیں۔ ڈائریکٹر داور لاشاری نے بتایا کہ کہانی دو جڑواں بھائیوں کے گرد گھومتی ہے جو پیدائش کے وقت میں بچھڑ گئے تھے‘ دونوں بھائی جب بڑے ہو گئے تو ان میں سے ایک بھائی بہت امیر ہو گیا اور دوسرا غریب ہے۔ دونوں بھائی کس طرح زندگی گزار رہے ہیں یہ بتایا گیا ہے۔ ڈرامے کی کہانی بہت اچھی ہے امید ہے شائقین کو میرا ڈرامہ بھی بہت پسند آئے گا۔