لاہور (سپورٹس ڈیسک)پاکستان آرچری فیڈریشن کے زیراہتمام اور سندھ آرچری ایسوسی ایشن کے تعاون سے7ویں قومی آرچری چیمپئن شپ کراچی میںجاری ہے۔ افتتاح صدر پاکستان اولمپک ایسوسی ایشن اور پاکستان آرچری فیڈریشن کے صدر لیفٹیننٹ جنرل (ر) سید عارف حسن نے کیا جبکہ چمپئن شپ اختتامی تقریب کیلئے وفاقی بین الصوبائی رابطہ ڈاکٹر فہمیدہ مرزا کو بطور مہمان خصوصی دعوت دی گئی ہے، پاکستان آرچری فیڈریشن کے سیکرٹری جنرل وصال محمد خان نے بتایاکہ چمپئن شپ میں ملک بھر سے گیارہ ٹیمیں حصہ لے رہی ہیں جن میں آرمی، پولیس، واپڈا، ہائر ایجوکیشن کمیشن، کسٹمز، پنجاب، سندھ، بلوچستان، خیبر پختونخوا، اسلام آباد اور فاٹا کی ٹیمیں شامل ہیں۔ ہر ٹیم تین مرد اور تین خواتین کھلاڑیوں پر مشتمل ہوگی جبکہ ایک آفیشل ٹیم کے ہمراہ ہوگا اورہر ٹیم کو آرچری کا سامان اپنے ہمراہ لانا ہوگا۔ شرکت کرنے والی ٹیموں کے منیجرز کی میٹنگ آج ہوگی جس میں نئے قوانین کے بارے میں آگاہ اور ڈراز کا اعلان کیا جائیگا اچھی کارکردگی کا مظاہرہ کرنے والے کھلاڑیوں کو قومی ٹیم میں شامل کرکے ان کو تربیت دی جائے گی۔