کراچی ( اسٹاف رپورٹر) پاکستان رینجرز سندھ کے زیر اہتمام قائد اعظم رینجرز پبلک اسکول اینڈ کالج ناظم آباد کراچی میں سول سوسائٹی کے اشتراک سے اردو ادبی مشاعرہ منعقد کیا گیا۔ مشاعرے میں کراچی بھر سے 11نامور مرد اور خواتین اردو شعراء نے حصہ لیا۔ جس میں محمد انور شعور، قندیل جعفری، عبد الحکیم ناصف، اسد جعفری، ریحانہ روحی اور عمبرین عمبر شامل تھے۔ تقریب میں رینجرز اور پولیس کے حکام، یونیورسٹیز کے وائس چانسلرز، مختلف اسپتالوں، اسکولوں اور کالجوں کے عہدیداران، طلبا و طالبات اور کاروباری شخصیات نے بڑی تعداد میں شرکت کی۔ شائقین نے اردو زبان کی ترویج و ترقی کیلئے منعقد کئے گئے مشاعرے اور اس میں شامل شرکاء کے فن کو بے حد سراہا۔ تقریب کے اختتام پر مشاعرے میں شامل شرکاء میں شیلڈز، میڈل اور تحائف تقسیم کئے گئے۔